АКВАСЕИВ доо

Aquasave доо е компанија во приватна сопственост којашто обезбедува специјалистички консултантски и договорни услуги во областа на контрола на загубата на вода за сите комунални претпријатија, институции и претпријатија од јавниот сектор, индустриски и комерцијални субјекти и индивидуални потрошувачи насекаде низ Македонија и пошироко во регионот.

Ние сме специјализирани за методологии и техники за намалување на загубите на вода, вклучувајќи откривање на истекувања, лоцирање на цевки, анализа на потрошувачката на вода и управување со притисокот. Aquasave нуди реализација на сите фази на животниот циклус на проектите во оваа област, почнувајќи од истражување, анализа и дизајн, преку развој и планирање, па сè до имплементација.

Aquasave доо е единствената приватна компанија во Македонија посветена на зачувување на водните ресурси. Развиваме и нудиме решенија според најдобрите светски практики и стандардизирана методологија пропишана од страна на Меѓународната асоцијација за води – IWA (International Water Association).